१३ औं महाधिवेशन अन्तर्गत कांग्रेसले राष्ट्रिय सभागृहमा मतदान तथा मतगणना गरिरहेको छ । दिनको समयमा मतदान र रातको समयमा मतगणनाका लागि सभागृह प्रयोग गरेको भएपनि विवादका कारण मतदान र मतगणना लम्बिएपछि सभागृह छाड्न त्यहाँको प्रशासनले ताकेता गरेको हो ।
कांग्रेसको निर्वाचन समिति स्रोतका अनुसार आज साँझ पाँच बजेसम्मका लागि मात्रै सभागृह प्रयोग गर्ने सहमति कांग्रेसले गरेको थियो । तर, सभापतिकै निर्वाचन लम्बिदा आज राति पनि सभागृह प्रयोग गर्ने देखिएपछि खाली गर्न सभागृह प्रशासनले ताकेता गरेको हो ।
अर्को कारण मंगलबार राष्ट्रिय महिला दिवस परेको र उक्त कार्यक्रम पनि सभागृहमै गर्ने तय भएपछि खाली गर्न कांग्रेसमा दबाब परेको हो । उक्त कार्यक्रममा राष्ट्रपति विद्यादेवी भण्डारी पनि सहभागी हुनेछिन् ।
कांग्रेसको निर्वाचन समिति स्रोतका अनुसार आज साँझ पाँच बजेसम्मका लागि मात्रै सभागृह प्रयोग गर्ने सहमति कांग्रेसले गरेको थियो । तर, सभापतिकै निर्वाचन लम्बिदा आज राति पनि सभागृह प्रयोग गर्ने देखिएपछि खाली गर्न सभागृह प्रशासनले ताकेता गरेको हो ।
अर्को कारण मंगलबार राष्ट्रिय महिला दिवस परेको र उक्त कार्यक्रम पनि सभागृहमै गर्ने तय भएपछि खाली गर्न कांग्रेसमा दबाब परेको हो । उक्त कार्यक्रममा राष्ट्रपति विद्यादेवी भण्डारी पनि सहभागी हुनेछिन् ।
यसैबीच दोस्रो चरणको मतगणना जारी रहँदा सभागृह नै खाली गर्नुपर्ने स्थिती आएपछि कांग्रेसमा सभापतिको मतगणना प्रभावित हुने देखिएको छ । यसअघि आज विहान निर्वाचन समितिले सभागृहमै राति मतगणना गर्ने निर्णय गरेको थियो । मतगणना कहिले र कहाँ गर्नेबारे मतदान सकिएपछि मात्रै टुंगो लाग्ने बताइएको छ । विमल योगी - दैनिक नेपाल
