नेपाल विश्वकै अग्लो शिखर सगरमाथा, भगवान गौतम बुद्धको जन्मस्थान आदिले प्रख्यात छ । त्यस्तै फ्रान्स आइफल टावरले परिचित छ, छिमेकी भारत ताजमहलले परिचित छ, दुबई गगनचुम्बी महलले चिनाउदै छ ।
त्यस्तै भियतनाम अहिले विश्वकै ठुलो ओढारले परिचित बन्दै छ । हाङ सन् डोङ भियतनाममा रहेको विश्वकै ठुलो ओढार हो । यसको भित्रि उचाई दुई सय मिटर छ र चौडाई एकसय पचास मिटर छ । यो ओढार ५ किलोमीटर लाम्बाईमा विस्तार भएको छ । हाङ सन् डोङको आफ्नै वातावरण, जंगल र आफ्नै खोला रहेको छ ।
यसमा रहेका दुइवटा प्राकृतिक झ्यालहरुबाट छिर्ने सुर्यका किरणले भित्रि वातावरणमा जादुमयी सुन्दरता पोत्दछ । यसको प्रवेशद्वार केहि साघुरो छ, प्रवेशद्वारको मुखमै भित्रबाट बहने चिसो हावा र बाहिरी वातावरणको तातो हावा जुध्न जान्छ जसले गर्दा उक्त गुफा प्रवेश गर्ने जो कोहि पनि यस्तो स्वागतले मोहित हुन्छ । ओढार भित्र प्रवेशगर्न ८० मिटर जति गहिरो पर्खाल डोरीको सहाराले झुण्डिएर छिचोल्नु पर्छ । भित्रि र बाहिरी वातावरणको ताप अन्तरले त्यहाँ अनौठो हुस्से लागेको हुन्छ ।
ओढारको ३ देखि ४ किलोमीटरको भूभाग मध्यान्नमा छिर्ने घामको किरणले उज्यालो हुन्छ । घामको किरण गुफाको तल्लो भागमा रहेको खोलाको पानीमा पर्छ जसले गर्दा पानीबाट प्रतिबिम्बित किरण गुफाको माथिल्लो भागमा रहेका ओषिला ग्ल्यासियरमा ठोकिन्छ र ग्ल्यासियर मोतिझैँ मनमोहक भएर चम्किन्छ ।
हाङ सन् डोङमा बोइङ ७४७ जहाज अटाउन सक्छ यतिमात्र नभएर यसमा ४० तल्ले बिशाल महल बन्न सक्छ । एकसय पचास मिटर फराकिलो चौडाईमा दुबैतर्फ पैदलयात्रीलाई छुट्टै पैदलमार्ग छुट्याउदा पनि ३० लेन चौडा सडक बन्न सक्छ । जुन अहिले काठमाडौँ९ भक्तपुर सडकभन्दा पाँच गुणा ठुलो हो । - एजेन्सी
हेरौ अस्ट्रेलियन फोटोग्राफर जोन स्पाइसले खिचेका थप मनमोहक फोटोहरु:-
){kind=link}