अस्ट्रेलिया
22 वैशाख, काठमाडौं । विनाशकारी महाभूकम्पबाट पीडितलार्इ अस्ट्रेलिया सरकारले १० मिलियन डलर अर्थात करिब एक अर्ब रूपैयाँ सहयोग गर्ने घोषणा गरेको छ ।
नेपालका लागि अस्ट्रेलियन राजदूताबासले मंगलबार विज्ञप्ती जारी गर्दै उक्त सहयोग उपलब्ध गराउने जानकारी दिएको हो । नेपालका प्रमुख भूकम्प प्रभावित क्षेत्रका जनतालाई खाद्य सुरक्षा, स्वास्थ्य, आश्रय, पानी र सरसफाइमा उक्त रकम प्रयोग हुने बताइएको छ ।
दूताबासका अनुसार सो सहयोग गोरखा जिल्लास्थित दूतावासको साझेदार संस्था केयर नेपालमार्फत खर्च हुनेछ । दुर्इ देशबीचको मैत्रीपूर्ण सम्बन्धलाई थप मजबुत बनाउन र संकटमा रहेको नेपालमा राहत तथा पुनःस्थापनाका काममा सहयोग गर्न सहयोग उपलब्ध गराएको राजदूताबासले जनाएको छ ।
कृपया Post पढिसकेपछी आफ्नो सल्ला, सुझाब / टिप्पणी दिन नभुल्नुहोला । तपाईको सल्ला सुझाबले नै हाम्रो जोश जागर मिल्ने छन् र केहि गर्ने हौसला प्राप्त गर्दछौ. । Thank you Birgunj Media.
