वीरगंज, ३ माघ
बेइङ ह्युमन अर्गनाइजेसनको आयोजनामा आज वीरगंजको श्रीजुद्ध माविमा आयोजित निशुल्क स्वास्थ्य शिविरमा सय भन्दा बढीको स्वास्थ्य चेकजाँच गरिएको छ ।
शिविरमा आँखा, दाँत र छालाका विरामिहरुको चेकजाँच गर्नुका साथै निशुल्क औषधि समेत वितरण गरिएको छ । शिविरमा आएकाहरुको डा. सुमन प्रसाद, डा. शिवशंकर प्रसाद गुप्ता, डा .रोमा कुशवाहा, डा. राज श्रेष्ठ, डा. रोशन कुशवाहा, डा. पुष्कर तिवारी, डा. शिवशंकर प्रसाद चौधरी लगायतले स्वास्थ्य परिक्षण गर्नु भएको थियो । यस अघि आयोजित औपचारीक कार्यक्रमलाई सम्बोधन गर्दै नागरीक समाजका अगुवा एंव शिक्षाविद डा. दिपक शाक्यले उमेर सानै भएपनि सस्थाका पदाधिकारीहरुले मानव सेवामा दिएको योगदानको प्रशंसा गर्दै सस्थाले गर्ने हरेक कार्यक्रममा आफ्नो सहयोग रहने प्रतिबद्धता जनाउनु भयो । समाज परिवर्तनको संवाहक नै युवा रहेकाले उनिहरुले गर्ने सकारात्मक कामको सहयोग गर्न कोहि पनि हिच्किचाउन नहुनेमा उहाँले जोड दिनु भयो । यस्तै ससस्त्र प्रहरी सिमा सुरक्षा बल चिनिमिल वीरगंजका ससस्त्र प्रहरी उपरिक्षक भिमबहादुर थापाले युवाहरुको सकारात्मक कामलाई मात्रै प्रोत्साहन दिन सके पनि समाज परिवर्तनको दिशामा अगाडि बढ्ने बताउनुभयो । यस्तै डा. मनोज कुमार गुप्ताले सस्थाले शुरुवात बाट नै मानव सेवामा आफ्नो कदम बढाएकाले यसको आगामि दिन उज्जव रहेको भन्दै सकारात्मक कार्यमा सेवा प्रवाह गर्न अनुरोध गनुभयो ।
पत्रकार महासंघ पर्साका अध्यक्ष श्याम बन्जराले सस्थाको नाम नै मानवता संग जोडिएकाले यसले गर्ने हरेक काम मानव उत्थानका लागि हुन जरुरि रहेको बताउनु भयो । कार्यक्रममा समाजबादी युवा लिग पर्साका अध्यक्ष शुसिल पटेल, वीरगंज युवा समाजका अध्यक्ष कमल चौगाइ, स्वतन्त्र मानवअधिकार समाजका केन्द्रिय अध्यक्ष कृष्ण खनाल लगायतको सहभागिता रहेको थियो । सस्थाका अध्यक्ष तनविर आलमको सभापतित्वमा सम्पन्न कार्यक्रममा स्वागत मन्तव्य सस्थाकी सदस्य मनिषा साहले गर्नुभएको थियो । विशेष गरि शहरमा रहेर पनि स्वास्थ्यको पहुँचबाट टाढा रहेकाहरुलाई मध्यनजर गर्दै शिविर आयोजना गरिएको र शिविरमा उल्लेख्य विरामिहरुको सहभागिताले आफुहरुलाई अझै प्रोत्साहन मिलेको सस्थाका उपाध्यक्ष ज्याउल होदाले जानकारी दिनु भयो ।
कृपया Post पढिसकेपछी आफ्नो सल्ला, सुझाब / टिप्पणी दिन नभुल्नुहोला । तपाईको सल्ला सुझाबले नै हाम्रो जोश जागर मिल्ने छन् र केहि गर्ने हौसला प्राप्त गर्दछौ. । Thank you Birgunj Media.
