वीरगञ्ज, २८ पौष÷
वीरगञ्ज उद्योग वाणिज्य सङ्घको आज सम्पन्न पदाधिकारी निर्वाचनमा अध्यक्षमा प्रदीपकुमार केडिया, वरिष्ठ उपाध्यक्षमा ओमप्रकाश शर्मा, द्वितीय उपाध्यक्षमा गोपाल केडिया, कोषाध्यक्षमा सुनिलकुमार खेतान, सचिव (वाणिज्य) मा दीपककुमार टिबडेवाल, सचिव (उद्योग) मा अनिल अग्रवाल (पटवारी), सह–कोषध्यक्षमा प्रेमचन्द गोयल, सह–सचिव (उद्योग) मा अरविन्द्र अमात्य निर्विरोध निर्वाचित भएका छन् भने महासचिव र सह–सचिव (वाणिज्य) पदका लागि निर्वाचन भएको छ ।
निर्वाचनमा महासचिव एक पदका लागि दुई जना उम्मेदवार सुरेशकुमार अग्रवाल र माधव राजपाल तथा सह–सचिव (वाणिज्य) पदका लागि पनि दुई उम्मेदवार नरेशकुमार टिबडेवाल र मनोजकुमार शर्माको उम्मेदवारी रहेकोमा महासचिव पदमा सुरेशकुमार अग्रवाल र सह–सचिव (वाणिज्य) मा मनोजकुमार शर्मा निर्वाचित हुनु भएको छ ।
सङ्घको विधान अनुसार १२ जना पदाधिकारी रहने गरी व्यवस्था भए बमोजिम निवर्तमान अध्यक्ष स्वतः पदाधिकारीमा आउने तथा तृतीय उपाध्यक्ष अर्थात् रोजगारदाता समितिका संयोजकको मनोनयन नयाँ कार्यसमितिको पहिलो बैठकले मनोनयन गर्ने व्यवस्था रहेको कुरा प्रमुख निर्वाचन अधिकृत बालमकुन्द खरेलले बताउनु भयो ।
कृपया Post पढिसकेपछी आफ्नो सल्ला, सुझाब / टिप्पणी दिन नभुल्नुहोला । तपाईको सल्ला सुझाबले नै हाम्रो जोश जागर मिल्ने छन् र केहि गर्ने हौसला प्राप्त गर्दछौ. । Thank you Birgunj Media.
