चैत, २५ पर्सा
वीरगञ्जका सचेत युवाहरुले संविधान निर्माणका लागि दवाव दिन संविधान सभाका सभासदहरुलाई खबरदारी गरेका छन् ।
जवाफदेहिताका लागि युवा समूह वीरगञ्जका युवाहरुले एसएमएस मार्फत संविधान निर्माणका लागि खबरदारी गरेका हुन् । सभासदहरुलाई अहिलेसम्म संविधान सभाले पूर्णता नपाएको र ५ वटा समितिका सभापतिहरु चयन नभएको अवस्थामा आगामी माघ ८ गतेसम्ममा संविधान जारी गर्ने प्रतिवद्धता पुरा होला र ? भन्ने प्रश्न सहितको एसएमएस पठाईएको समूहका संयोजक शिवनाथ यादवले जानकारी दिनुभयो । पर्सा, बारा, मकवानपुर, रौतहट लगायत देशभरका सभासदलाई एसएमएस मार्फत खबरदारी गरिएको उहाँले बताउनुभयो । सभासदहरुले कार्यतालिका सार्वजनिक भैसकेको र आफूहरु पनि प्रतिवद्धता अनुसार लागि परेको बताउँदै शिर्ष नेताहरुलाई थप दवाव दिन सुझाव दिएका छन् । जिम्मेवारी लिएर जवाफदेहिता बहन नगर्ने परिपाटी विरुद्ध संगठित भएका युवाहरुले महिनामा एकपटक एसएमएस मार्फत सभासदलाई संविधान निर्माण तथा स्थानीय निकायको निर्वाचनका लागि दवाव दिने भएका छन् । आवश्यकता अनुसार समूहले अन्य दवावमुलक एवं चेतनामुलक काम गर्दै जाने समूहका सदस्य सुरेश बिडारीले बताउनुभयो ।
कृपया Post पढिसकेपछी आफ्नो सल्ला, सुझाब / टिप्पणी दिन नभुल्नुहोला । तपाईको सल्ला सुझाबले नै हाम्रो जोश जागर मिल्ने छन् र केहि गर्ने हौसला प्राप्त गर्दछौ. । Thank you
