कन्चनपुरको त्रिभुवन बस्तीमा बिधलयको भबन निर्माण भइरहेको स्थानमा सोमबार हतियारधारी भारतिय प्रहरी र बनबिभागका उच्च अधिकारी सहितको टोली आएर नेपालीहरुलाई कुटपिट गरेका हुन् । सिमा पिलर नम्बर १९९ भन्दा करिब एक किलोमिटरको दुरीमा नेपाली क्षेत्रमा स्कुलको भबन निर्माण भइरहेपनि भारतले आफ्नो भुमी पर्ने भन्दै स्कुल ब्यबस्थापन समितिका अध्यक्ष हर्क बहादुर सुनार , सदस्य ओम बहादुर क्षेत्री र लक्ष्मी बराललाई कुटपिट गर्दै भबन निर्माण नगर्न र गरे भत्काइदिने धम्की दिएका छन् । भारतिय नेपाली भुमीमा आएर आतंक मच्चाएपछि सो क्षेत्रका बासिन्दाको आग्रहमा सशस्त्र प्रहरी परिचालन गरेको छ । सुरक्षाको लागि सो क्षेत्रमा प्रहरीको एक टुकडी परिचालन गरिएको सिमा सुरक्षा बल मजगाउँका एसपी फणेन्द्र न्यौपानेले जनाएका छन् । हतियार सहित भारतिय सुरक्षाकर्मीले आएर धम्काएपछि स्थानिय बासिन्दा त्रसित छन् । भारतियहरुले पटक पटक सिमाक्षेत्रमा आएर धम्क्याउने , र्दुब्यबहार गर्ने र अनाहकमा दुख दिने भन्दै स्थानियले हस्तक्षेप रोक्न र बिबाद समाधान गरिदिन सरकारसंग आग्रह समेत गरेका छन् । स्थानिय राजनितिक दल र संघसंस्थाहरुले पनि भारतिय हस्तक्षेपको बिरोध गरेका छन् । कन्चनपुरका प्रमुख जिल्ला अधिकारी परशुराम अर्यालले सो बिषयमा भारतिय अधिकारीसंग कुराकानी गरिसकेको र अबदेखि यसप्रकारको ब्यबहार नदोहराउने प्रतिबद्धता उनिहरुले जनाएको जानकारी गराएका छन् ।
गत चैत्र १० गते सिलन्यास गरिएको बिधालयको भबन निर्माण रोक्न भारतिय पक्षले बिगत चार पाँच दिन देखि नियमित दबाब र धम्की दिदै आएको स्थानियहरुले बताएका छन् । यसअघि पनि नेपालको बिभिन्न स्थानमा नेपाली भुमीमा प्रबेश गरि भारतिय सुरक्षाकर्मीहरुले ज्यादती गर्दै आएका छन् ।
कृपया Post पढिसकेपछी आफ्नो सल्ला, सुझाब / टिप्पणी दिन नभुल्नुहोला । तपाईको सल्ला सुझाबले नै हाम्रो जोश जागर मिल्ने छन् र केहि गर्ने हौसला प्राप्त गर्दछौ. । Thank you
